NAGPAKA-K-drama fan mode on ang aktor na si Christian Bables nang makilala at makakuwentuhan niya nang personal ang South Korean actress na gumanap sa iconic character na Geum Jan Di sa Boys Over Flowers.
Sa Instagram post ng aktor, ibinahagi niya na nakakuwentuhan niya ang aktres na si Ku Hye Sun sa closing ceremony ng 23rd Busan International Film Festival (BIFF) sa South Korea.
“Hello Gu Jan Di of Boys Over Flowers, I am Intoy of Signal Rock from the Philippines . It was nice to meet and share a little chat with you about our film,” caption ng larawan ni Christian kasama si Hye Sun.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Ibinahagi din ni Bables ang interes ng aktres sa kanyang pelikula kay Chito Roño Signal Rock, na gumawa ng international debut sa BIFF.
“Your interest to know more about our film and your congratulatory message were very much appreciated! And yes, I also hope you can meet my director Chito S. Rono, soon!” dagdag ni Bables.
Idinaos ang 23rd BIFF mula Oktubre 4 hanggang Oktubre 13.
Bukod naman sa Boys Over Flowers, bumida rin si Hye Sun sa iba pang sikat na Korean drama tulad ng Angel Eyes, at Blood, kung saan niya nakilala ang kanyang ngayong asawa, ang aktor na si Ahn Jae-hyun.
Manila Bulletin Entertainment
