NAKATAKDANG i-auction sa susunod na buwan ang iconic Moon of Baroda diamond na isinuot ni Marilyn Monroe sa Gentlemen Prefer Blondes.
Sa ulat ng Cover Media, isang 24-carat yellow gem ang alahas, na mula pa sa Golconda mine noong 16th-century sa India at ginamit sa classic film na Gentlemen Prefer Blondes, kung saan kinanta ng actress ang Diamonds Are a Girl’s Best Friend.
Makalipas ang ilang dekada nang ilabas ito mula sa Meyer Jewelry Company sa Detroit, Michigan para sa 1953 film ngayon ay maaari na itong masulyapan ng mga fans sa bahagi ng Los Angeles kung saan ito idi-display sa Christie’s showroom mula Oktubre 16 hanggang 20, bago isubasta sa Nobyembre 27 sa Magnificent Jewels Hong Kong Sale.
Bing Davao, pumanaw na!
“It wasn’t until recently that we got introduced to the owner of the stone,” pagbabahagi ni Christie’s art appraiser Connie Luk sa The Hollywood Reporter. “We paid him a visit almost every year to ask him if he’s interested in selling, and we were quite persistent. And finally, this year, he said yes to us.”
Ang kakaibang pear-shape cut ng diyamante mula noong ika-16 na siglo ang nagpamahal sa alahas. Dagdag pa ang dilaw na kulay nito. Tinatayang nagkakahalaga ang alahas ng $500,000 (£380,000) hanggang $750,000 (£570,000).
Dagdag pa ni Luk, “It’s really hard to give an estimate to such a legendary and historical stone. We give the estimate based on the market price of a 24-carat yellow diamond. We believe that the historical value will add to the price.”
