Samantala sa Detroit, ipinahayag ng Detroit Pistons management ang pormal na paglagda ni free agent center Zaza Pachulia sa koponan nitong Linggo (Lunes sa Manila).
Batay sa patakaran ng koponan, hindi maaaring isapubliko ang nilalaman ng kontrata.
Ang 15-year NBA veteran na si Pachulia ay nakapaglaro ng 1,030 NBA games (513 starts) at may averaged 6.9 puntos, 5.9 rebounds at 1.3 assists sa 20.7 minutong paglalaro sa Orlando Magic, Milwaukee Bucks, Dallas Mavericks at Golden State Warriors.
Bahagi si Pachulia sa back-to-back NBA Championship ng Warriors.
