Pagbawi ng P51B sa mga Marcos, ibinasura ng SC

June 19, 2018

Ibinasura ng Supreme Court (SC) ang petisyon ng gobyerno para mabawi ang umano’y P51 bilyong nakaw na yaman at mga danyos laban sa estate ni dating Pangulong Ferdinand E. Marcos at mga kaibigan nito.

Sa desisyon na isinulat ni Justice Noel G. Tijam, pinagtibay ng SC ang desisyon ng Sandiganbayan noong 2010 at 2011 na nagbabasura sa complaint for reconveyance, reversion, restitution and damages na inihain ng Presidential Commission on Good Government (PCGG).

Nakasaad sa desisyon na nabigo ang Republika na patunayan ang mga ninakaw na yaman ng mga akusado.

“WHEREFORE, the Decision dated August 5, 2010 and Joint Resolution dated August 31, 2011 of the Sandiganbayan in Civil Case No. 0016 dismissing the Republic’s complaint for reconveyance, reversion, accounting, restitution and damages for insufficiency of evidence are AFFIRMED. SO ORDERED,” diin ng korte.

Pinangalanan sa reklamo ng PCGG na inihain 31 taon na ang nakalipas sina dating First Lady Imelda Marcos, na kumakatawan kay Marcos, negosyanteng si Rodolfo Cuenca at anak nitong si Roberto Cuenca, dating Philippine National Bank president Panfilo O. Domingo, dating Trade Minister Roberto Ongpin, dating Development Bank of the Philippines officer Don Ferry, at 11 iba pa.

Inaakusahan ng PCGG ang mga Marcos at kanilang cronies na sangkot sa “schemes, devices or stratagems” para magkamal ng ill-gotten assets.

-Rey G. Panaligan

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...