Patay ang umano’y tulak ng ilegal na droga matapos umanong makipagbarilan sa mga pulis, habang nakatakas naman ang kasama nito sa buy-bust operation sa Parañaque City, kahapon ng madaling araw.

Ilang tama ng bala sa iba’t ibang bahagi ng katawan ang ikinamatay ng suspek na kinilala sa alyas na “Boy Tattoo”, 28-30, nakasuot ng itim na T-shirt at asul na shorts.

Patuloy namang inaalam ng awtoridad ang pagkakakilanlan ng kasama nito na tumakas gamit ang motorsiklo.

Base sa report, nauwi sa engkuwentro ang buy-bust operation ng mga tauhan ng Station Drug Enforcement Unit (SDEU) ng Parañaque City Police sa C-5 extension, sa Barangay San Dionisio, dakong 5:00 ng madaling araw.

Nasawi sa Air India nasa 270 na; pagkilala sa bangkay ng mga biktima, nagpapatuloy!

Nagsabwatan umano ang mga suspek sa pagbebenta ng dalawang pakete ng shabu sa isang police poseur-buyer.

N a h a l a t a uma n o n i Boy Tattoo na pulis ang kanilang katransaksiyon kaya pinaputukan ang pulis.

Sa pagpapalitan ng bala ng mga suspek at ng awtoridad, bumulagta ang isa habang nakatakas ang isa pa.