NAG-RELEASE na ang GMA Network ng ilang behind-the-scenes (BTS) shots ni Alden Richards sa pinakabago niyang action-drama-fantasy series na Victor Magtanggol, kaya naman marami nang fans ang excited nang m mapanood ito.

Todo aksiyon talaga si Alden, na ang mga eksena ay kinunan sa isang palengke sa Project 4, Quezon City, kung saan makikita siyang madungis habang nakikipaglaban sa mga goons.

Pero apektado ng pag-uulang dulot ng habagat ang taping ng Victor Magtanggol. Ilang araw nang umuulan at mahirap talaga kapag exterior ang shoot nila.Three days a week ang taping nila at this week, hindi sila natapos mag-taping ng ilang sequences dahil sa labas ang shoot nila.

Madalas ay magpapatila sila ng ulan, pero kapag ready na sila ulit to shoot ay biglang babagsak uli ang ulan. Kung kaya pa nila ang ulan, tuloy ang taping.

Kalokalike ni Awra Briguela, mas maganda pa raw sa kaniya

Medyo mahirap din daw kung ang shoot naman ay interior tapos uulan, nasasagap ng sound recording ang bagsak ng ulan. Kaya sa halip na makatapos sila agad, naghihintay pa rin silang tumila ito.

Hopefully raw na ngayong medyo gumaganda na ang panahon, ay magtuluy-tuloy na ang taping nila.

Marami nang nagtatanong kung kailan ipalalabas sa GMA primetime ang Victor Magtanggol, pero wala pang advise ang network. Mukhang gusto muna nilang mag-ipon ng mga eksena, dahil dalawang units daw ang gamit nila ngayon.

Soon, ire-release na rin nila kung sinu-sino pa ang ibang makakasama ni Alden sa serye, na idinidirek ni Dominic Zapata.