LA PAZ, Tarlac - Duguang isinugod sa La Paz Medicare and Community Hospital ang isang motorcycle driver at dalawa nitong angkas nang mabundol ng kotse sa Victoria-La Paz Road, Barangay Guevarra, La Paz, Tarlac kamakalawa.
Kinilala ang mga biktima na sina Matt Francisco, 15, driver ng motorsiklo; Micky Manuel, 18; at Jerome Samonte, 14, ng Bgy. San Isidro.
Kinilala naman ang nakabundol na si Melanio Sampoleo, 44, driver ng kotse (TOP-332), taga-Bgy. Sumacab South, Cabanatuan City, Nueva Ecija.
Binabagtas ng mga biktima at ng suspek ang lugar nang mabangga ng huli ang motorsiklo ng mga una.
Probinsya
