RERENDAHAN nina Rolly Parondo Jr. at Gary Legaspi ang Team Mikhael James sa pagsulong ng pinaka-aabangan na Jose P. Leviste Sr. 2018 Annual ADMU Chess 4x4 Team Tournament sa Hunyo 9, 2018 sa Grade School Cafeteria, Ateneo de Manila.
IBINIDA ni Philippine chess wizard Jasper Faeldonia (ikalawa mula sa kanan) ang tropeo kay Manila 4th District Councilor Anton Capistrano sa courtesy call kahapon sa Manila City Hall. Kasama ni Faeldonia ang mga magulang na sina Engr. Ernie Faeldonia at Cherlyn Faeldonia at dating World Chess Olympiad member Woman Fide Master Sherily Cua. Nakopo ng incoming Grade 8 student ng Arellano University ang kampeonato sa Under-14 ng 2018 National Age Group Chess Championships (NAGCC) Grand Finals sa Roxas City, Capiz.
Makakasama nina Parondo at Legaspi sa Team Mikhael James ay sina Filipino at United States chess master Almario Marlon Bernardino Jr. at Von Steven Aquino.
Nakataya sa magkakampeon ang P30,000 ayon sa organizing group na kinabibilangan nina Grandmaster Darwin Laylo, International Masters Jan Emmanuel Garcia at Yves Ranola at Ildefonso “Ponching” Datu, bahagi ng coaching staff ng Ateneo de Manila University chess team.
