PATULOY ang sorpresang ratsada ng College of St. Benilde sa ginaganap na Chooks to Go Filoil Flying V Pre Season Cup matapos iposte ang ikaapat na sunod na panalo sa impresibong 74-69 panalo kontra Arellano University kahapon sa San Juan City.
Nagposte ng game high 20-puntos si Yankie Haruna upang pamunuan ang nasabing panalo na nagpatatag ng kanilang kapit sa liderato ng Group B.
Nag-ambag naman sa kanyang patuloy na consistent na performance si Justin Gutang na umiskor ng 19-puntos.
Sa kabilang dako, namuno naman sa Chiefs na bumagsak sa patas na barahang 2-2, si Levi de la Cruz na nagposte ng 14-puntos.
'Pikon daw?' UAAP fan na nag-dirty finger, agaw-eksena sa San Juan Arena!
Sanhi ng pagkatalo tumabla ang Chiefs sa Letran sa ikalimang puwesto.
Napanatili naman ng Blazers ang kanilang estado bilang nag-iisang koponang walang talo sa kanilang grupo.
-Marivic Awitan
