PANALO sa puso ng mas maraming Pilipino ang mga palabas ng ABS-CBN noong Abril sa nakamit na average audience share na 45% na 12 puntos ang lamang kumpara sa 33% ng GMA, ayon sa datos ng Kantar Media.
Mas pinanonod sa urban at sa rural homes ang ABS-CBN, partikular na sa Metro Manila sa naitalang average audience share na 42%, laban sa 25% ng GMA, at sa Mega Manila na nagrehistro naman ng 36%, kumpara sa 34% ng GMA. Inabangan din ang Kapamilya Network sa Total Luzon sa pagtala nito ng 41%, laban sa 35% ng GMA; sa Total Visayas sa pagpalo nito sa 54%, kumpara sa 26% ng GMA; at sa Total Mindanao, kung saan nagkamit ito ng 51% at tinalo ang 29% ng GMA.
Kinakatawan ng Kantar Media ang 100% ng mga manonood ng telebisyon sa buong bansa sa paggamit nito ng nationwide panel size na 2,610 na urban at rural homes.
'Mga waste dapat pina-flush sa CR!' Toni Gonzaga, unbothered sa 'power couple' blind item
Pasok sa top ten ng mga pinakapinanood na programa noong Abril ang FPJ’s Ang Probinsyano (41%), Pilipinas Got Talent (36.9%), Bagani (33.2%), TV Patrol (28.8%), MMK (27.6%), Wansapanataym (27.5%), Home Sweetie Home (24.5%), The Good Son (20.6%), Since I Found You (20.6%), at Rated K (20.1%).
Inabangan din ang ABS-CBN sa iba’t ibang timeblocks, partikular na sa primetime block (6 PM to 12 MN), na nakakuha ng average audience share na 50%, na 18 puntos ang lamang kumpara sa 32% ng GMA.
Tinutukan din ang ABS-CBN sa morning block (6 AM to 12 NN) sa pagtala nito ng average audience share na 35% kumpara sa 32% ng GMA; sa noontime block (12 NN to 3 PM) sa pagrehistro nito ng 45% kontra sa 33% ng GMA; at sa afternoon block (3 PM to 6 PM) matapos nitong magkamit ng 43%, laban sa 35% ng GMA.
