Ni Mary Ann Santiago
Patay na nang matagpuan ang isang welder sa loob ng tinutuluyang lodging inn sa Quiapo, Maynila, kahapon ng umaga.
Hinihinalang pagtaas ng presyon ang ikinasawi ni Vergel delos Santos, 43, welder, at residente ng 648 Quezon Boulevard, Quiapo.
Sa ulat na isinumite ni SPO3 Jonathan Bautista, ng Manila Police District (MPD)-Crimes Against Persons Investigation Section (CAPIS), nadiskubre ang bangkay ng biktima sa loob ng unit ng Ilang Ilang Lodge sa 648 Quezon Boulevard sa Quiapo, bandang 9:15 ng umaga.
50.78% examinees, pasado sa Nov. 2024 Licensure Exam for Agriculturists
Una rito, nag-checked in sa naturang lodging inn ang biktima, kasama ang kanyang anak na babae, dakong 10:00 ng gabi kamakalawa.
Kapupuwesto lang ng live-in partner ng biktima sa tindahan nilang de gulong sa tabi ng simbahan ng Quiapo, at sinalubong siya ng awtoridad at sinabing patay na ang biktima.
