Ni Fer Taboy
Iniimbestigahan ng pulisya ang pananambang at pagpatay sa isang magpinsang kandidato sa Barangay at Sangguniang Kabataan elections, sa Barangay Notong sa Pualas, Lanao del Sur.
Kinilala ng Pualas Municipal Police ang mga biktimang sina Jabber Saripada Tanog, 37; at Ayno Abdul Saripada, 31, parehong taga-Bgy. Notong, Pualas.
Nakaligtas naman sa insidente ang isang lalaki na nasa kustodiya ni Senior Supt. Ronald Briones, hepe ng Lanao del Sur Police Provincial Office.
UP, top university pa rin sa Pinas; Iba pang paaralan sa bansa, pasok sa Asian ranking!
Nabatid na pauwi na ang magpinsan, kasama ang testigo, nang bigla silang harangin ng mga armadong lalaki at ilang beses na pinagbabaril ang mga biktima.
Batay sa salaysay ng saksi, posibleng mga kaanak ng magpinsan ang responsable sa krimen, dahil magkakalaban sa pulitika ang magkakaanak.
