Ni REGGEE BONOAN

SA huling post ni Kris Aquino sa ginanap na contract signing at storycon niya sa Star Cinema nitong Biyernes para sa pelikulang I Love You, Hater ay nagpasalamat siya at natuwa kina Joshua Garcia at Julia Barretto na pareho niyang makakasama.

“Sharing #iloveyouhater from @starcinema storycon moments. Thank you for being so refreshingly honest & real @juliabarretto & so cute & shy @garciajoshuae #krisaquinoxjoshlia 2018#lovelovelove,” post ni Kris sa Instagram (IG).

Pinost din ni Kris ang card na galing sa Tropang Joshua Fans, “krisaquino made my point. Now time to say thank you. These just arrived. Thank you tropang @garciajoshuae#il oveyouhater#13june2018.”

Tsika at Intriga
Julia Montes banas sa tinulungan noon, sinisiraan na siya ngayon

Julia Montes banas sa tinulungan noon, sinisiraan na siya ngayon

Nakalagay kasi sa card na, ‘Dearest Ms Kris, Welcome Back and We Love You, love Tropang Joshua.’

At bago matulog si Kris ay muli siyang nag-post ng, “Bawal matulog w/o saying THANK YOU. The reason this door opened again is because you continued to believe in me. The digital partnerships happened. The big conglomerates gave me & KCAP their trust. And because hindi kayo nang iwan, and nagbigay kayo ng oras at tiwala- binigyan ako ng @starcinema ng pagkakataon to work w/ #JoshLia in a role really written for me.

“To my KCAP family- you took the leap of faith w/ me & as much as we love our BRANDS, aminin natin lahat- for a startup like us- it was a thrill to be in the ABSCBN compound precisely because of what we’ve achieved on digital. I owe you this. And sorry, marami kayong i-e-edit. And maraming preprod because we shoot new webisodes on Monday. #girlboss mode ulit. #actress mode on Wednesday. P.S. because of all their webisodes w/ me @ jacksalvador & @rbchanco will be part of our movie #iloveyouhater. And may special participation si @darla #lovelovelove.”

At tulad din ng nabanggit ni Kris na magsisimula na siyang mag-shoot sa Miyerkules, Abril 25, dahil may playdate na ito sa Hunyo 13.

Matagal nang nagso-shooting ang JoshLia at si Kris na lang ang hinintay para mabuo ang mga eksena nila na ang balita namin ay boss ng magka-loveteam ang Queen of Online World and Social Media.

Samantala, walang leading man si Kris sa I Love You, Hater base sa tsika sa amin ng taga- Star Cinema.

Nauna palang i-cast sina Joshua at Julia sa pelikula at nang banggitin na si Kris ang makakasama ay talagang na-excite ng husto ang magka-loveteam.