Ni Bella Gamotea
Habang isinusulat ang balitang ito, nag-aagaw buhay sa ospital ang isang binatilyo makaraang barilin ng isang bagitong pulis sa Taguig City, nitong Martes ng gabi.
Inoobserbahan sa Taguig- Pateros District Hospital si Joven Manalastas y Serddan, 19, ng No. 51 Purok 5, V.P. Cruz Street, Barangay Lower Bicutan ng nasabing lungsod, na tinamaan ng bala sa ulo.
Pinaghahanap naman ng Taguig City Police ang suspek na si PO1 Abraham Ventura y Manlongan, nasa hustong gulang, ng V.P. Cruz St., ng nabanggit na barangay.
50.78% examinees, pasado sa Nov. 2024 Licensure Exam for Agriculturists
Sa ulat na ipinarating ng Southern Police District (SPD), naganap ang pamamaril sa No. 49 V.P. Cruz Purok 5, Bgy. Lower Bicutan, dakong 11:50 ng gabi.
Nakatayo ang biktima sa lugar nang barilin ni PO1 Ventura.
Sinasabing inakala ng pulis na bubunot ng baril ang biktima, ngunit cell phone lang ang kinukuha nito.
