Ni GENALYN D. KABILING
BOAO, China – Sa inaasahang paglago ng Asia hanggang sa 2050, hinikayat ni Pangulong Rodrigo Duterte ang maliliit at malalaking bansa na magpatupad ng 3Cs o “cooperate, coordinate and collaborate” para matamo ang kaunlaran para sa lahat.
Nagsalita sa Boao Forum for Asia (BFA) kahapon, sinabi ni Duterte na kumbinsido siya na ang sama-samang pag-unlad ay “not just a dream but a reality” na kayang abutin, at mayroong reponsibilidad ang mga bansa para matamo ang layuning ito.
“As an engine of growth, Asia is poised to make a larger footprint on the global economy. And every country in Asia – big or small – has a role to play and its own contribution to make,” aniya sa kanyang talumpati.
Billboard ni Benhur Abalos, pinuna ni Clarita Carlos
“We have a stake – as well as responsibilities – in [the] forging of a more prosperous continent and world. This is what nations – big or small - should act on collectively when we leave Boao: Cooperate, coordinate and collaborate so we can achieve our shared dream of prosperity for all,” dugtong niya.
Sa parte ng Pilipinas, nangako ang Pangulo na isusulong ang ekonomiya at makipagtulungan sa mga negosyante para lalong mapalakas ang paglago.
“Our ‘Build, Build, Build’ program will provide the solid backbone for growth,” aniya.
Sinabi niya na pursigido ang Pilipinas na palakain ang public investments sa infrastructure, innovation at interconnectivity para matamo ang pangarap na komportableng pamumuhay para sa mga Pilipino.
“We are slowly making the Filipino dream a reality. As we strive to push our economy forward, we encounter challenges but we will not be deterred. We seek to partner with responsible businesses --home-grown and foreign based -- to drive the progress we envision,” aniya.
Ibinida rin ng Pangulo ang mga natamo ng kampanya ng kanyang gobyerno laban sa katiwalian, ilegal na droga at terorismo.
PARTNERS
Idiniin ni Duterte ang benepisyo ng pagtutulungan ng Pilipinas at China laban sa terorismo, illegal drugs at kriminalidad, at pagsulong sa economic at infrastructure development.
“With China, we stand together in the war on criminality and the illegal drug trade. We are shoulder to shoulder in the fight against terrorism and violent extremism. Make no mistake: there can be no progress without stability in Asia’s lands and waters,” aniya.
Binanggit din ng Pangulo ang malakas na ugnayan sa China sa infrastructure development.
“As sovereign equals, the Philippines and China are partners in the building of the much-needed infrastructure that are building blocks and bridges of greater understanding between our peoples,” aniya.
Tiniyak din ng Pangulo na bukas ang Pilipinas sa pakikipagtulungan sa lahat ng bansa sa rehiyon. “Let me say it again: the Philippines’ destiny is in Asia,” aniya.
