Ni BELLA GAMOTEA
Sugatan ang 17 pasahero, kabilang ang isang sanggol, matapos araruhin ng pampasaherong bus ang walong sasakyan sa Parañaque City, nitong Biyernes ng umaga.
Isinugod sa San Juan De Dios Hospital at Ospital ng Parañaque sina Virgilio Dante y Palcon, 57; Maria Lucille Zara y Del Castillo, 51; Maria Arlei Valerie Umali y Villalobos, 33; Sofia Maria Umali y Villalobos, 9; Ma. Lorie Almachar y Zara, 44; Jasmine Maria Angelika Zara, 15; Ma. Theresa Zara y Listana, 38; Thyrone Jhedrick Zara y Listana, 12; Samantha Umali y Villalobos, 11; Jacinto Villacorta, Jr. y Abao, 43; Juvy Villacorta y Fabe, 43; Rechelle Villacorta y Fabe, 6; James Villacorta y Fabe, 1 taon at walong buwang gulang; Nova Esmundo y Lao, 44; Trisha Esmundo y Lao, 18; Rasl Esmundo y Lao, 15; at Michelle Bernadette Esmundo y Lao, 12, na pawang nagtamo ng sugat sa iba’t ibang bahagi ng katawan.
Nasa kustodiya naman ng Parañaque City Traffic Bureau at nahaharap sa kasong reckless imprudence resulting in multiple physical injuries and multiple damaged to properties ang suspek na si Francisco Cea y Gregorio Capala, 41, ng No. 327 Santo Cristo San Jose Del Monte Bulacan, driver ng Ismael Bus Line (TXR 798).
50.78% examinees, pasado sa Nov. 2024 Licensure Exam for Agriculturists
Sa ulat na ipinarating ni Supt. Jenny Tecson, hepe ng Public Information Office-Southern Police District (PIO-SPD), inararo ng naturang bus ang walong sasakyan, kabilang ang isang Toyota Hi-Ace Grandi Van (ABE 4654); Toyota Fortuner (VR-5045); Mitsubishi Mirage Sedan (NQ-6331); IVECO CC 150 bus (ACY-4090); Subaru (HW- 6563); Izusu Jitner (NYR-514); Toyota Vios Sedan (UVN0712) at Mitsubishi Montero (VEK-956) sa panulukan ng Roxas Boulevard at MIA Road, Barangay Tambo ng nasabing lungsod, bandang 10:00 ng umaga.
Kasalukuyang isinasailalim sa masusing imbestigasyon si Cea, habang dinala naman sa Parañaque City Police ang siyam na sasakyang sangkot sa karambola.
