DepEd pinuri si Insilada sa pagpasok sa Teachers Prize-Balita

DepEd pinuri si Insilada sa pagpasok sa Teachers Prize

Ni Merlina Hernando-Malipot

Ipinagmamalaki ng Department of Education (DepEd) ang isang public school teacher mula sa bayan ng Calinog sa Iloilo na napiling isa sa top 10 finalists para sa 2018 Global Teacher Prize (GTP), na kumikilala sa mga katangi-tanging nagawa, impluwensiya at kontribusyon ng mga guro sa propesyon.

Pinuri ni Education Secretary Leonor Briones, sa isang pahayag, si Dr. Jesus Insilada, kasalukuyang principal ng Caninguan National High School (CNHS), gayundin ang iba pang teacher-nominees sa Global Teacher Prize ng Varkey Foundation ngayong taon.

“Our Global Teacher Prize finalists have proven that Filipino teachers do not only impart knowledge to their learners, they also advocate great causes such as the promotion and preservation of culture – the very soul of our nation,” ani Briones.

Bukod kay Insilada, pasok din si Ryan Hobitan Homan – literacy champion ng San Jose Elementary School sa Donsol, Sorsogon – sa top 50 ng GTP ngayong taon.

Mula sa 30,000 nominadong guro mula sa mahigit 170 bansa, binigyang karangalan ni Insilada ang bansa nang opisyal itong ipahayag ng philanthropist na si Bill Gates noong Pebrero 14 sa YouTube channel ng Foundation.

Guro at miyembro ng Panay-Bukidnon Indigenous Peoples’ (IP) community, sinabi ng DepEd na ginagamit ni Insilada ang “culture-based teaching and inclusive learning in transforming the lives of his students.”

Itinuturing na ngayon si Insilada na “one of the 10 best teachers in the world” kasama ang finalists mula sa Turkey, South Africa, Colombia, United States, Brazil, Belgium, Australia, United Kingdom, at Norway – na pawang naghatid ng positibong pagbabago sa buhay ng mga mag-aaral at kanilang mga komunidad.

Dadalo si Insilada sa awarding ceremony sa Dubai, United Arab Emirates (UAE) ngayong buwan sa Global Education Skills Forum.

Bago maging GTP finalists, si Insilada ay nanalo ng Carlos Palanca award multiple times para sa kanyang Hiligaynon short stories. Noong 2017, tumanggap din siya ng Princess Maha Chakri Award at naging isa sa 2014 Metrobank Foundation Outstanding Teachers.

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...