Warriors, Celtics at Cavs, napingasan
MINNEAPOLIS (AP) — Tinuldukan ng Minnesota Timberwolves ang three-game skid sa pamamagitan ng paglupig sa Golden State Warriors, 109-103, nitong Linggo (Lunes sa Manila).
Hataw si Karl-Anthony Towns sa nakubrang 31 puntos at 16 rebounds para sandigan ang Wolves sa pahirapang panalo at ipalasap sa defending champion ang ikalawang sunod na kabiguan na wala ang two-time MVP na si Stephen Curry.
Goodbye PBA? John Amores, tinanggalan na ng professional license!
Nanguna si Kevin Durant sa Warriors na may 39 puntos at 12 rebounds. Hindi naglaro si Curry na nagpaiwan para ipahinga ang na-sprained na kanang paa sa laro sa Portland, 108-125, nitong Biyernes (Sabado sa Manila).
Kumubra si Andrew Wiggins ng 23 puntos sa Timberwolves, nabigo ng dalawang ulit sa road game laban sa Warriors ngayong season.
Nag-ambag si Klay Thompson ng 21 puntos sa Warriors,habang tumipa si Draymond Green ng 10 puntos, walong rebounds at pitong assists, at kumana si Zaza Pachulia ng 16 puntos at rebounds.
LAKERS 127, CAVS 113
Sa Cleveland, naitala ni Julius Randle ang career-high 36 puntos, at natikman ni Isaiah Thomas ang tamis ng paghihiganti sa panalo ng Los Angeles Lakers laban sa dating koponan na Cavaliers.
Mula sa 76-all sa pagtatapos ng third period, pinangunahan ni Thomas ang 22-3 run ng Lakers sa third period para maagaw ang momentum at maibaon ang Cavs sa double digit na bentahe.
Kumana si Thomas, ipinamigay ng Cavs sa three-team trade, ng 22 puntos habang umiskor si Brook Lopez ng 22 para bigyan buhay ang sisinghap-singhap na kampanya na makausad sa playoff.
Nanguna si James sa Cavs (38-28) na may 24 puntos, 10 rebounds at pitong assists, habang umiskor ang dating Lakers nasi Larry Nanace ng 16 puntos.
PACERS 99, CELTICS 97
Sa Boston, muntik nang maunsiyami ang kabayanihan ni Victor Oladipo sa Indiana Pacers.
Nanguna si Oladipo na may 27 puntos, ngunit nagtamo ng krusyal na turnover sa huling 1.5 segundo na nagbigay ng tsansa sa Celtics na agawin ang panalo.
Ngunit, nabigo si Terry Rozier na makatira nang maayos sa buzzer.
“We talk about being calm, and being poised,” sambit ni Indiana coach Nate bi McMillan, who had already seen his team blow last-minute lead to Boston when.
Humirit din si Myles Turner sa Indiana na may 19 puntos, kabilang ang game-winning baskets may 21 segundo ang nalalabi.
Sa iba pang laro winasak ng Nets ang Brooklyn Nets, 120-97; dinagit ng Atlanta Hawks kontra Chicago Bulls; pinaluhod ng Denver Nuggets ang Sacramento Kings, 130-104; pinatahimik ng New Orleans Pelicans ang Utah Jazz, 11-99.
