Ni Marivic Awitan
Mga Laro Ngayon
(Pasig Sports Center)
11 n.u. -- AMA vs Akari-Adamson
Goodbye PBA? John Amores, tinanggalan na ng professional license!
1:00 n.h. -- CEU vs JRU
MAKAPAGSIMULA ng bagong winning streak ang tatangkain ng Centro Escolar University sa pagsabak nila ngayong hapon kontra Jose Rizal University sa tampok na laro sa pagpapatuloy ng 2018 PBA D League Aspirants Cup sa Pasig Sports Center.
Nakabalik sa winning track ang Scorpions matapos igupo ang Akari-Adamson kasunod ng pagkaputol ng kanilang 4-game winning run ng Go for Gold-St. Benilde.
Ganap na 1:00 ngayong hapon ang salpukan ng Scorpions at Heavy Bombers matapos ang unang laro ganap na 11:00 ng umaga sa pagitan ng AMA Online Education at ng Akari-Adamson.
Magsisikap naman ang Heavy Bombers na bumangon mula sa kinahulugang 5-game losing skid para patuloy na buhayin ang tsansang umusad sa susunod na round.
Mauuna rito, magtatangka namang makabalik ang Akari-Adamson sa win column matapos ang di inaasahang kabiguan sa kamay ng Scorpions.
Sa kampo ng Titans, tatangkain din nitong masungkit ang ikalawang tagumpay upang patuloy na buhayin ang pag-asa nilang makaabot ng playoff round.
