Ni Brian Yalung

ANIM na koponan ang magtutuos sa National Finals ng Philippine Collegiate Champions League 3x3 (PCCL) basketball tournament.

Punong-puno ng aksiyon ang mga nakalipas na elimination round, kabilang ang panalo ng University of the Visayas kontra University of San Jose Recoletos, 47-43, para sa Visayas Leg at ang laban ng Trace College kontra University of Nueva Caceres, 51-45,para sa South Luzon leg.

Hindi rin pahuhuli ang makapigil-hiningang Mindanao leg na tinampukan ng panalo ng Southern Philippines College kontra Southern City College, 46-44.

Akari Sports wala pang balak pasukin ang PBA

Akari Sports wala pang balak pasukin ang PBA

Ang Metro Manila ay kakatawanin ng Our Lady of Fatima University, nawagi laban sa Colegio de San Lorenzo, 50-48.

Magtutuos ang limang regional winners kasama ang NCAA Champion Arellano University para sa National Champion.

Mapapanood ang huling ratsadahan sa Sabado (Jan. 27) ganap na 10:00 ng umaga sa Vista Mall sa Taguig. Libre ang panonood na posible ring sundan sa Facebook.com/PCCLeague.

Nakipagtambalan ang PCCL sa FOX Sports Networks para maipalabas ang liga sa ayos.