Ni Mike U. Crismundo
BUTUAN CITY – Niyanig ng 4.3 magnitude na lindol ang Davao Oriental, ayon sa Philippine Institute of Volcanology and Seismology (Phivolcs) kahapon.
Sa tala nito, sinabi ng Phivolcs na naitala ang lindol bandang 1:16 ng hapon nitong Linggo.
Natukoy ang epicenter sa 111 kilometro (km) sa timog-silangang bahagi ng Manay, Davao Oriental.
Tectonic ang lindol at may lalim na 30 km.
Brgy. tanod, inutas chief tanod na naaktuhan niyang bumembang sa live-in partner niya!
Samantala, dalawang mahihinang lindol naman ang yumanig sa Davao Occidental kahapon, ayon pa rin sa Phivolcs.
Sa pinakabago nitong tala, sinabi ng Phivolcs na nai-record ang 2.7 magnitude na lindol dakong 1:58 ng umaga, at ang epicenter ay natukoy sa 33 km ng timog-silangan ng Jose Abad Santos, Davao Occidental, na may lalim na 126 km.
Una rito, naitala rin ang 2.4 magnitude na lindol, dakong 12:07 ng umaga ng kaparehong araw, at ang epicenter nito ay natukoy 64 km ng timog-silangan ng Don Marcelino, ayon sa Phivolcs.
