Pinagtibay ng Department of Justice (DOJ) ang pagbasura sa isinampang cyberlibel case ni Sen. Risa Hontiveros laban kay Atty. Ferdinand Topacio at iba pang mga vlogger.

Batay sa resolusyong inilabas ng DOJ nitong Biyernes, Hunyo 5, hindi tinanggap ng ahensya ang inihaing Motion for Reconsideration ni Sen. Risa noong Pebrero 2026 dahil sa kakulangan umano ng merito.

Maki-Balita: Cyber libel case ni Sen. Risa Hontiveros laban sa ilang personalidad, ibinasura

Ayon dito, “The totality of the evidence on record remains insufficient to demonstrate that the respondents made the statements with knowledge of falsity or with reckless disregard for truth. Absent proof of actual malice, no prima facie evidence with reasonable certainty of conviction exists,” mababasa sa resolusyon.

“Wherefore, it is respectfully recommended that the Motion for Reconsideration dated 23 February 2026 filed by complainant Ana Theresia Navarro Hontiveros-Baraquel be DENIED for lack of merit,” dugtong pa sa resolusyon ng DOJ.

Ex-SPs, nanawagang ayusin na ang gusot sa Senado

Matatandaang Hulyo 2025 nang pormal na maghain si Sen. Risa ng reklamo sa tanggapan ng direktor ng National Bureau of Investigation (NBI) na matatagpuan sa Filinvest Cyberzone Bay, Diosdado Macapagal Boulevard, Pasay City.

Kaugnay ito sa kumalat na video ng dating testigo sa Senado na si Michael Maurillo. 

Sa naturang video, naglabas si Maurillo ng mga umano'y maling paratang laban kay Sen. Risa Hontiveros at sa isinagawang imbestigasyon ng Senado kaugnay ng mga krimeng may kaugnayan kay Pastor Apollo Quiboloy ng Kingdom of Jesus Christ (KOJC).

Maki-Balita: Sen. Risa, pormal na naghain ng reklamo sa NBI laban kay Michael Maurillo, iba pa