Ni NITZ MIRALLES
Nang i-post ito ni Kris sa social media, agad napansin ng netizens ang hotel na tinutuluyan ng mag-iina. Maliit daw ang hotel room at malayo sa itsura ng mga hotel na dating tinutuluyan nila ‘pag nasa ibang bansa sila.
Makikita rin sa video ni Kris na simple ang banyo at parang walang closet dahil nasa labas ang sabitan ng mga damit. Maliit din ang mesa na nasa room, pero ang LV bags ni Kris, nakahilera sa bed na medyo maliit din para sa tatlo, ‘yun ay kung magsi-share silang mag-iina ng isang bed.
Enrique Gil, tinabangan na nga ba dahil di tumabo sa takilya comeback movie?
Ang feeling ng editor ng pahinang ito, ordinaryong hotel room ang kinuha nina Kris, Josh, at Bimby dahil gusto nilang maging ordinaryong bakasyunista at maka-experience ng ordinaryong pamumuhay.
Ang importante naman talaga, magkakasama silang mag-iina at mag-enjoy sa kanilang bakasyon.
(Editor’s note: Sige, aaminin ko na. ‘Estudyante’ ko si Kris sa simple living o alternative lifestyle. Simpleng buhay, simpleng pangangailangan. Matagal ko nang sinasabi sa kanya na napapansin kong may kasimplihan din naman siya na hindi lang nakikita ng karamihan, at puwede naman niya itong itodo. “Not so simple, Kuya Dindo because I love beautiful things,” sabi niya. Sa tingin ko, mukhang hindi naman ako failure o masamang mentor, he-he....)
Samantala, sa isa sa mga post ni Kris bago tumulak papuntang Japan, nabanggit niyang magiging busy siya next year at kasama sa mga pagkakaabalahan niya ang TVC shoot ng six new endorsements niya sa January at February at ang renewal ng three existing endorsements.
Ipinost na rin ni Kris ang winners sa kanyang #christmaslovelovelove campaign na ang gifts na tatanggapin ay galing sa Adobomal.
Kabilang sa mga napanalunan ng kanyang followers ang isang 15-inch Macbook Pro.
