Ni REGGEE BONOAN

NILINAW ni Jericho Rosales nang mainterbyu ng reporters sa presscon ng Siargao ang nai-post sa social media na unang pagkikita raw nila ng ex-girlfriend niyang si Heart Evangelista after so many years simulang magkahiwalay sila.

“It’s not the first time that we’ve seen each other,” sabi ni Echo. “It’s not like I’m going to dodge any question about that. I can see her, say hello. It’s done. Past is past. We’ve moved on. We are mature people. It’s a different life. It’s a different world.”

Classic movie ‘Ipaglaban Mo!’, ipinalabas ng CCP bilang kampanya vs VAWC

Nabanggit sa ilang post na nag-uusap din daw sina Heart at asawa ng aktor na si Kim Jones sa event na kapwa nila dinaluhan.

“My wife is so amazing because she is really cool. They were actually chatting, silang dalawa. Heart is really cool also. I feel so happy. It wasn’t an awkward evening or anything. It’s how mature people handle things,” kuwento pa ni Echo.

Samantala, ipinakita sa media ang official trailer ng Siargao na pinagbibidahan nina Echo, Jasmine Curtis Smith at Erich Gonzales. Gandang-ganda ang lahat sa lugar at pinuri nang husto ang magagandang shot ni Direk Paul Soriano kaya isa rin ang pelikula nila sa mga hinuhulaang mananalo ng major awards.

Sa pormal na pagbubukas ng 2017 Metro Manila Film Festival sa Disyembre 25 ay mapapanood na ang Siargao produced ng Ten17 Productions.