Ni REGGEE BONOAN

TOTOO kaya ang narinig naming muling gagawa ng pelikula sina Robin Padilla at Sharon Cuneta sa 2018 o 2019?

Isipin mo, Bossing DMB, kasalukuyang tumatabo ng pera sa takilya ang Unexpectedly Yours. As of December 4, naka-P100M na ang pelikula ng ShaBin kasama ang JoshLia (Julia Barretto at Joshua Garcia).

Classic movie ‘Ipaglaban Mo!’, ipinalabas ng CCP bilang kampanya vs VAWC

Marami siguro ang nabitin sa tambalang Robin at Sharon kaya puwede pa ring umulit ng pelikula pagkalipas ng isa o dalawang taon para hindi naman pagsawaan ng tao.

Ang tanong, sino na ang magdidirek dahil kung hindi kami nagkakamali ay isang pelikula na lang ang gagawin ni Direk Cathy Garcia-Molina bago siya magretiro at manirahan sa ibang bansa kasama ang mga anak.

Gustung-gusto ng ShaBin si Direk Cathy dahil sa maikling panahon ng pagtatrabaho nila ay napabilib sila ng direktora at lumabas pang maganda ang pelikula. Huwag isnabin, Grade A ito ng CEB.

Kung sabagay, naririyan naman sina Olive Lamasan, Rory Quintos, Mae Cruz at iba pang in-house director ng Star Cinema na puwedeng magdirek ng follow-up movie ng dalawa.

Ang tanong, ano ang bagong kuwento na lalampas sa kilig scenes ng Unexpectedly Yours?