KINAPOS ang R Star RJM entry ni RJ Mea gamit ang mga pambatong panabong nina Boyet & Grace Sison sa kampanyang walisin ang laban para sa solong kampeonato.
Sa kabila ng kabiguan sa huling laban, nakasosyo ang R Star RJM sa tatlong iba pa sa pagtatapos ng 2017 World Pitmasters Cup Master Breeders-2 9-Stag International Derby nitong Sabado sa Newport Theather sa Resorts World Manila.
Tangan ang parehong walong puntos, nagsosyo sa kampeonato ang Pitmasters-1 cock derby champ San Roque BB2 nina Joey & Buboy delos Santos at Muroy Dolorico; Hilicapvilli ni Larry Villacorte at Lieteros VMP San Isidro nina Glen Adao & Valdimir Palis.
Tatay kay Karl Eldrew: 'Tahimik mong ipanalo mga pangarap mo, dito kami ng Mama mo!'
Itinataguyod ng Games and Amusements Board (GAB) sa pamumuno ni Chairman Baham Mitra, ang 10-araw na world-class event na nilahukan ng 313 entry ay isinusulong nina Charlie “Atong” Ang, Gerry Ramos, Engr. Sonny Lagon, Gov. Eddiebong Plaza & RJ Mea, sa pakikipagtulungan nina Ka Lando Luzong at Eric dela Rosa.
Solong sumegunda na may 7.5 puntos ang Matina Nov. 26 Big Event Super King 330k (Dori Du/ Boyet Plaza), habang kumolekta ng pitong puntos ang Cris Purple & RC Warriors W/AT Farm (Christopher Sioson/Rey Cañedo/Tweet Animas), JM Kingsman JCO JJC (Jay Ople/Jonjon Cano), GM (Boss Gabs), Diana Khulit Yuri Arl Combine-2 (Gov. Khulit Alcala 2019), Thor M.D. Diego Jcap (Eric dela Rosa), Tayum Town Fiesta Eman (Mayor Glen & Atty. Eman), AAO Zara (Gerry Ramos), FSA/ESM/Jobo (FSA/ESM/Jobo), RJM FCT (Hermin Teves/RJ Mea/Felix Trebol), Cobra 1 (Charlie “Atong” Ang), Special Request (Gov. Plaza) and Señor-I (Barry Crisostomo/Engr. Sonny Lagon).
