SISIMULAN ng National University ang kampanya sa UAAP Season 80 juniors football kontra last year’s runner-up De La Salle-Zobel ngayon sa PFF National Training Centre ng San Lazaro Leisure Park sa Carmona, Cavite.
Target ng Bullpups na makalikha ng maagang momentum laban sa Junior Archers ganap na 8 ng umaga.
Magtutuos naman ang Ateneo at University of Santo Tomas ganap na 3;00 ng hapon.
Nakakuha ng bye ang defending champion Far Eastern University-Diliman. Mapapalaban ang Baby Tamaraws kontra Blue Eaglets sa Nov. 26 ganap na 8:00 ng umaga sa naturan ding venue.
'Pikon daw?' UAAP fan na nag-dirty finger, agaw-eksena sa San Juan Arena!
Magaganap naman ang rematch ng last season’s Finals sa pagitan ng FEU-Diliman at De La Salle-Zobel sa Dec. 3 sa PFF National Training Centre.
Maliban sa naturang laro sa first round, ang mga susunod na playing dates at magaganap sa Rizal Memorial Stadium sa Manila. - Marivic Awitan
