PUMIRMA ng co-production deal nitong Huwebes ang GMA Network Inc. at ang JU Entertainment Movie and Drama Inc., isang Philippine company na may Korean counterpart, para i-produce ang Filipino version ng widely successful television series na Boys Over Flowers.
Ang Boys Over Flowers ay batay sa Japanese manga series na Hana Yori Dango. Kuwento ito ng spunky school girl na tumanggap ng scholarship grant para makapasok sa isang prestihiyosong paaralan. Ang pagpasok niya sa naturang school ay pupukaw ng interes ng apat na mayayaman, sikat at guwapong mga lalaki na tinatawag na F4 (short for Flower 4).
Ang manga series ay sumikat nang husto at nagkaroon ng bersiyon sa iba’t ibang bansa gaya ng Taiwan, Japan at Korea.
Classic movie ‘Ipaglaban Mo!’, ipinalabas ng CCP bilang kampanya vs VAWC
Masayang ibinalita ng GMA Network First Vice President for Program Management na si Jose Mari Abacan na GMA ang magpapalabas ng Philippine adaptation ng sikat na TV series na nagpasikat sa ilang Asian stars.
“We’re very pleased to announce that we are doing our own version of Boys Over Flowers in partnership with JU Entertainment Movie and Drama Inc. It’s a huge project and we promise to give our viewers something to look forward to soon.”
Sabi pa ni Abacan, magkakaroon ng nationwide audition para hanapin ang perfect cast na magbibida sa local series.
“In order for us to find the actors who will portray the coveted characters in the series, we will have a nationwide open casting call that will give equal chance to talented individuals who want to be part of this highly anticipated project,” aniya.
“We hope that we live up to their expectations and I know the talent of the Filipinos is something to be proud of worldwide so I’m sure that we won’t disappoint,” dagdag naman ng GMA Films and GMA Worldwide, Inc. President na si Annette Gozon.
Samantala, inaasahan naman ni JU Entertainment Movie and Drama Inc. Chief Executive Officer na si Son Jong Wook na magiging successful ang partnership nila sa GMA Network.
“I would like to thank GMA for the partnership. Looking forward to a fruitful relationship with the Network and we are all excited with this project,” sabi niya.
Ang iba pang kasama sa contract signing ay sina JU Entertainment Movie and Drama Inc. Vice President Oh Jae Jun, Cube 9 Entertainment Chief Executive Officer Lee Dong Hee at Cube 9 Entertainment Vice President Kim Jae Sung.
