Mga laro ngayon (Araneta Coliseum)
2 n.h. -- UE vs FEU
4 n.h. -- UP vs Adamson
PATULOY ang agawan sa No. 4 spot ng Final Four round habang gusto namang masiguro ng Adamson ang third spot sa pagpapatuloy ngayon ng second round ng UAAP Season 80 men’s basketball tournament sa Araneta Coliseum.
6 koponan nagbabalak ligwakin ang PVL; lilipat daw sa bagong liga?
Sasalang sa nakatakdang double header ngayong hapon ang dalawang koponang kasalukuyang magkasalo sa ika-apat na posisyon -ang season host Far Eastern University at University of the Philippines gayundin ang isa pang koponang naghahabol- ang University of the East.
Taglay kapwa ng Tamaraws at Fighting Maroons ang markang 5-6,habang ang Red Warriors at may barahang 3-9.
Sakaling may maka-anim na panalo alinman sa FEU at UP, tapos na ang paghahabol ng UE at ang sinusundan na lamang nilang National University (4-7) na may laban kahapon kontra De La Salle habang isinasara ang pahinang ito.
Makakasagupa ng Tamaraws ang Red Warriors sa unang laro ganap na 2:00 ng hapon habang makakatunggali ng Maroons ang Falcons (8-4) na target namang makopo ang pang-siyam na panalo na pormal na magluluklok sa kanila sa ikatlong Final Four spot. - Marivic Awitan
