NI: Marivic Awitan
Mga Laro Ngayon
(MOA Arena)
2 n.h. -- UE vs La Salle
Tatay kay Karl Eldrew: 'Tahimik mong ipanalo mga pangarap mo, dito kami ng Mama mo!'
4 n.h. -- UST vs Adamson
MAKAATUNGAL na kaya ang University of Santo Tomas Tigers?
Laban sa mainit na Adamson Falcons, tatangkain ng Tigers na mangata ang unang panalo sa pagpapatuloy ng aksiyon sa UAAP Season 80 men’s basketball tournament sa MOA Arena.
Target naman ng La Salle Green Archers na matudla ang ikaapat na sunod na panalo sa pakikipagtuos sa University of the East sa unang laro ng double-header ganap na 2:00 ng hapon.
Magtutuos ang Falcons at Tigers sa 4:00 ng hapon.
Inaasahang hindi magiging madali sa Archers ang laban matapos magpamalas ng kagitingan ang Warriors, sa kanilang unang paghaharap, kung saan umiskor si Alvin Pasaol ng 49 puntos. Nagwagi ang La Salle, 106-100, sa naturang laro noong Oktubre 4.
