DINAIG ng University of the East ang University of Santo Tomas, 66-62, kahapon para patatagin ang kampanya sa twice-to-beat na bentahe sa semifinals sa UAAP Season 80 women’s basketball tournament sa Filoil Flying V Centre.
Hataw si Ruthlaine Tacula sa naiskor na 16 puntos, siyam na assists at pitong rebounds, habang kumana si Love Sto. Domingo ng double-double – 13 puntos at 18 rebounds – habang humugot si Joyce Francisco ng 13 puntos.
Sa naputol na six-game winning streak, bagsak ang UST sa 8-2, isang panalo ang abante sa UE (7-2) para sa No. 2 seeding sa playoffs.
Nangunguna ang defending champion National University sa dominanteng 10-0 karta.
'Pikon daw?' UAAP fan na nag-dirty finger, agaw-eksena sa San Juan Arena!
Nanguna si Anjel Anies sa Tigresses sa naiskor na 18 puntos, habang kumana si Jem Angeles ng 13 puntos, anim na rebounds, anim na assists at tatlong steals.
Sa unang laro, ginapi ng Ateneo ang De La Salle, 56-49, para tuldukan ang six-game losing skid.
Hataw sina Jolina Go at Hazelle Yam sa naiskor na pinagsamang 26 puntos para sa Lady Eagles.
