Ni NORA CALDERON
NAGSIMULA bilang magka-love team sina Jennylyn Mercado at Mark Herras nang manalo sila sa Starstruck ng GMA-7 at nakagawa ng mga pelikula at TV series sa Siyete.
Naging real life sweethearts sila na hindi nagtagal dahil agad ding nag-break. Pero nanatili ang pagiging friends nila, sa katunayan ay sila ang naging center ng close na samahan ng first batch ng Starstruck, hanggang ngayon. Kahit may asawa’t anak na ang iba, patuloy silang malapit sa bawat isa.
Co-founder ng Lola Nena’s nagsalita sa isyu ng ‘working lunch’ video
May asawa na si Nadine Samonte na may one year old daughter na nag-celebrate ng birthday kahapon, si Yasmien Kurdi ay mayroon na ring 3-year old daughter, si Katrina Halili ay may 4-year old daughter naman. Si Jennylyn, may 6-year-old son, si Jazz. At si Mark, meron na ring daughter. Wala pang asawa o anak sina Vaness del Moral, Sheena Halili, Jade Lopez, na inggit na rin sa batchmates nila. Happy si Jen with boyfriend Dennis Trillo at si Mark, sa girlfriend na si Wyn Marquez.
Matagal-tagal na ring hindi nagtatambal sina Jennylyn at Mark kaya nabuhay ang loob ng JenMark fans nang may mga kumalat na behind-the scene-photos nila online. Agad nag-conclude ang lahat ng fans na may ginagawa silang project.
Natuwa ang fans nila nang makumpirma na muli ngang magtatambal sina Jen at Mark, at ito’y mapapanood sa episode ng Dear Uge ngayong Linggo, pagkatapos ng Sunday Pinasaya.
Excited ang kanilang fans na muli silang mapanood at magkakaroon ng happy ending sa istoryang gagawin, pero mukhang may hahadlang sa kanila, dahil kasama nila si Dion Ignacio. Kaabang-abang din kung ano naman ang magiging role ni Eugene Domingo sa relasyon nina Jen at Mark sa kuwento.
After ng My Love From The Star, busy si Jennylyn sa shooting ng 2017 Metro Manila Film Festival entry nila ni Derek Ramsay na Almost Is Not Enough. Si Mark naman ay todo-support kay Wyn na isa sa finalists ng Miss Philippines World na coronation night na sa September 3 at mapapanood sa GMA-7.
