Ni: Nitz Miralles

HINDI na kami magugulat kung madagdagan pa ang limang directors na hawak ng The IdeaFirst Company nina Direk Jun Robles Lana at Direk Perci Intalan. Tingnan n’yo naman, pawang busy lahat sa kani-kaniyang proyekto ang mga director sa pangangalaga ng kanilang bagong talent management agency, sina Prime Cruz, Miko Livelo, Ivan Adrew Payawal, Dominic Lim at Sigrid Andrea Bernardo.

Si Prime ang director ng isa sa entry sa Pista ng Pelikulang Pilipino na Ang Manananggal Sa Unit B23. Siya rin ang director ng sleeper hit na Sleepless. Siya rin ang gumawa ng The Debutants ng Regal Entertainment at marami pang nakasunod na pelikula.

Classic movie ‘Ipaglaban Mo!’, ipinalabas ng CCP bilang kampanya vs VAWC

Si Miko ang director ng Tanods, Blue Bustamante, I Love You To Death, at ng ilalabas pa lang na Forever Young. Sa comedy siya magpu-focus.

Si Ivan ang director ng I America na nag-compete sa 2016 Tokyo International Film Festival. Siya rin ang director ng Ang Pambansang Third Wheel under Viva Films.

Si Dominic ang writer-director ng The Write Moment na napiling mag-compete sa 2017 QCinema International Film Festival. Bida rito sina Jerald Napoles at Valeen Montenegro.

Si Sigrid ay director ng magagandang pelikula gaya ng Lorna, Ang Huling Cha Cha ni Anita at ng highest grossing indie film na Kita Kita. Ang latest, umabot na sa P320M ang box office gross ng movie. Si Sigrid ang director ng Viva Films movie na Mr. & Mrs. Cruz tampok sina Ryza Cenon at JC Santos.

Nabanggit ni Direk Jun na up to next year, magiging busy ang limang director na mina-manage ng The IdeaFirst Company.

Pito lahat ang directors sa stable nila, kasama sila ni Direk Perci.

Si Direk Perci ang nagpatuloy sa pagdidirek ng My Fairy Tail Love Story tampok sina Janelle Salvador at Elmo Magalona na isasali raw sa 2017 MMFF.

Si Direk Jun, busy sa Ang Dalawang Mrs. Reyes na co-produced ng The IdeaFirst, Quantum Films at Star Cinema bida sina Judy Ann Santos at Angelica Panganiban. In-announce ni Direk Jun sa press launch ng kanilang talent management agency na si JC de Vera ang makakatambal ni Angelica at si Joross Gamboa naman ang makakapareha ni Judy Ann.