MARAMI ang excited at kinikilig sa namumuong pagtitinginan ng characters na ginagampanan nina Bea Binene (bilang Anya) at Derrick Monasterio (Almiro) sa Mulawin vs Ravena.
Bukod sa paghahanap kay Pagaspas (Miguel Tanfelix) sa mundo ng mga tao, tila nakabuo na ng koneksiyon sina Anya at Almiro. Kaya laging inaabangan ngayon kung tulad ng BiGuel, may kissing scene na rin ang DerBea.
Kapag natuloy, siguradong magwawala na naman ang Twitter world nito.
Human-Interest
Bakit laging panalo? Netizens, napa-research sa mga nagawa ni Sen. Lito Lapid
Samantala, tiyak na magiging espesyal ang pagdiriwang sa Kadayawan Festival ngayong taon sa pakikiisa sa mga Dabawenyo nina Pagaspas at Almiro.
Bukas (Sabado, August 12), lilipad sa Davao City ang mga bida ng hit telefantasyang Mulawin vs Ravena na sina Miguel at Derrick. Magkakaroon ang dalawang MvR stars ng Kapuso Mall Show sa Gaisano Mall Toril, Davao City na magsisimula sa ganap na ika-4 ng hapon.
