Ni: Malu Cadelina Manar
KIDAPAWAN CITY – Patay ang isang anim na taong gulang na babae makaraang masagasaan ng umano’y humaharurot na motorsiklo habang tumatawid sa Magpet, North Cotabato, nitong Linggo ng hapon.
Kinilala ng mga awtoridad ang biktimang si Aizel Mae Pelayo Hermoso, 6, mag-aaral sa Grade 1 sa Doles Central Elementary School sa Barangay Doles, Magpet.
Ayon sa mga report, tumatawid ang paslit nang mabundol ng itim na Honda motorcycle na minamaneho umano ng isang Arturo Noa Bogcutan.
Probinsya
Tinatayang 132,000 pamilya, lumikas sa Eastern Visayas dahil sa super typhoon Pepito
Pumanaw ang bata habang ginagamot sa Kidapawan Medical Specialist Center, ayon sa Magpet Police.
Sinabi ni Chief Insp. Rommel Constantino na tumakas ang rider at tinutugis na ngayon ng pulisya.
