KABILANG sa tinaguriang ‘promising fighter’ si Pinoy Rocky Batolbatol nang simulan ang career sa ONE Championship may tatlong taon na ang nakalilipas.
Ngunit, taliwas sa inaasahan, nabalahaw ang pananaw nang marami para sa pambato ng Bacolod City bunsod nang magkakasunod na kabiguang natamo.
Napasuko ang 31-anyos na si Batolbatol ni Martin Nguyen ng Australia vis second-round submission noong November 2014.
Classic movie ‘Ipaglaban Mo!’, ipinalabas ng CCP bilang kampanya vs VAWC
Nasundan ito ng first-round submission defeat kontyra Dutch-Indonesian journeyman Anthony “Archangel” Engelen noong February 2016.
Muling nasugatan ang imahe ng Pinoy sa pamosong mixed martial arts promotion sa Asya nang magapi siya ni Singaporean martial arts superstar Christian Lee via first-round technical knockout noong Mayo 2016.
Sa kabila nito, determinado siyang makabawi at makalikha ng pangalan sa muli niyang pagsabak sa ONE FC inaugural card sa Surabaya, Indonesia kontra sa hometown kid na si “The Terminator” Sunoto.
“I am back! I am so excited to be back in action for ONE Championship, the Asian leader of martial arts and the premier MMA promotion in the region. Ever since my last fight, I did not stop training. It is truly an honor to showcase my talent and skills on a global stage like ONE Championship,” pahayag ni Batolbatol.
Ang laban ay undercard sa ONE: CONQUEST OF KINGS na gaganapin sa GOR Kertajaya Arena sa Indonesian capital of East Java sa Hulyo 29.
“I wanted to be comfortable anywhere the fight would go. That is why I focused on my wrestling and Brazilian Jiu-Jitsu for this fight. But of course, I did not neglect my striking, which is my bread-and-butter for years,” sambit ni Batolbatol, dating professional boxer.
At sa pagkakataong ito, nagpupuyos ang damdamin ni Batolbatol para mapatulog ang karibal.
“I want a knockout. It has been a longtime since the last time that I won by way of knockout. I am going in that cage with a statement to make. I can truly say that I am in the best shape of my career,” aniya.
