Ni: Bella Gamotea
Patay ang apat na buwang buntis matapos umanong gulpihin ng kanyang live-in partner sa Muntinlupa City, nitong Martes ng hapon.
Pasado 12:00 ng hatinggabi kahapon binawian ng buhay habang nilalapatan ng lunas sa Asian Hospital si Anna Cecilia Galicia, 19, ng Northgate Cyber Park, Barangay Alabang ng nasabing lungsod.
Nagsasagawa na ng manhunt operation ang mga pulis laban sa suspek na si Karl David Asehan, 19.
50.78% examinees, pasado sa Nov. 2024 Licensure Exam for Agriculturists
Sa ulat ni Muntinlupa City Police officer-in-charge Sr. Supt. Dante Novicio, nagtungo kahapon sa kanyang tanggapan ang kaanak ng biktima upang i-report ang insidente.
Ayon sa ina ng biktima, bandang 5:30 ng hapon nitong Martes, tumawag pa sa kanya ang anak at sinabing nag-away sila ng suspek at nakararanas ng matinding pagkahilo matapos umanong iuntog ng suspek ang ulo ng biktima sa pader.
Natagpuan na lamang ng guwardiya ng condominium na walang malay ang biktima at isinugod sa nasabing ospital.
Mabilis na tumakas ang suspek matapos ang insidente.
