MAGANDA ang pagtanggap ng Kapuso viewers sa pilot ng Mulawin vs Ravera and so far, wala kaming nabasang negative reaction. Kung may negative reaction man, minimal lang at mema (me masabi) lang ang nag-comment.

Hindi napahiya si Dennis Trillo sa sinabi niya bago ang pilot na, “Ang programang‘ pinagmamalaki naming lahat” dahil totoong maganda.

Maganda ang drone shots, exceptional ang cinematography at visual effects, malinaw na storyline at may eksenang matapang na inilahad. Ito ‘yung rape scene ni Gabriel (Dennis) kay Alwina (Heart Evangelista), kaya naging SPG ang rating ng MTRCB.

ALAMIN: Ano nga ba ang EBET Law na pinirmahan ni PBBM

Kaya nag-trending worldwide at nationwide ang pilot ng Mulawin vs Ravena. Pati ang mga karakter nina Dennis, Derrick Monasterio, Bea Binene, Miguel Tanfelix, Bianca Umali at Heart, nag-trending din.

Tama rin si Dennis sa nabanggit na perfect team sina Direk Dominic Zapata at Direk Don Michael Perez dahil kung ang una’y visionary, ang huli naman ay storyteller. 

Hindi binigo ng dalawa ang fans ng Mulawin na matagal naghintay ng sequel na ito dahil maganda. (NITZ MIRALLES)