‘DI makabitiw ang televiewers sa FPJ’s Ang Probinsyano sa kaaabang kung paano matse-checkmate ni Cardo Dalisay (Coco Martin) ang mortal na kaaway na si Joaquin Tuazon (Arjo Atayde) na pumatay sa kakambal niyang si Ador.

Sa kuwentong umeere, bukod sa refresher na pagpapakasal nina Cardo at Alyana (Yassi Pressman), malapit nang masukol ng grupo ni Cardo si Joaquin lalo na ngayong bagsak ang morale niya dahil sa aksidenteng pagkakabaril niya sa kanyang inang si Verna (Agot Isidro).

Hindi na alam ni Joaquin kung ano pa ang gagawin ngayong ang pakiramdam niya ay nag-iisa na lang siya dahil nakakulong ang kanyang lolong si Don Ramon (Eddie Garcia) na pinaghuhugutan din niya ng lakas pero tigasin pa rin dahil pinatay na niya si Art Acuña na dating kakampi ng mga Tuazon.

Mga Pagdiriwang

Ang mayamang tradisyong tatak ng 'Paskong Pinoy'

May pakiramdam ang viewers na tuluyan nang mabubura sa mundo si Joaquin dahil sa napabalitang mga bagong ipapasok sa bagong yugto ng aksiyon-serye. Galing ang buzz sa post sa Instagram ng business unit head ng Dreamscape Entertainment na si Deo Endrinal. Kaya malapit na ring mapanood sa Ang Probinsyano sina dating Sen. Lito Lapid, Mark Lapid, Jhong Hilario, Ejay Falcon, John Arcilla, Maya Valdez, Sid Lucero, Angel Aquino at Pokwang.

Pahulaan sa televiewers kung anu-ano ang magiging papel nila at kung sino sa kanila ang mahigpit na makakalaban ni Cardo.

Ayon sa nakausap naming insider, may malaking pasabog na naman daw ang show sa susunod na linggo at ikasisindak daw ito ng mga tagasubaybay.

Ito kasi si Arjo, laging ‘secret’ ang sagot kapag tinatanong namin kung papatayin na ang karakter niya.

Iniiba niya ang topic kapag tungkol sa show na ang pinag-uusapan, at kapag ibinabalik namin ang tanong ay pangiti-ngiti lang.

Pero saan nahuhuli ang isda kundi sa bibig, di ba, Bossing DMB? Dahil narinig naming kaliwa’t kanan ang shows ni Arjo sa iba’t ibang probinsiya na produced ng Pagcor.

Sa madaling sabi, paano ka makakapag-taping ng dire-diretso kung parating may out of town shows si Arjo at higit sa lahat, weekdays yata mangyayari ito.

Naulinigan din namin siya habang kausap ang kapatid na si Ria Atayde na may upcoming one month vacation silang dalawa sa Hulyo sa US.

So, kailangan pa bang i-memorize ito? Maliban na lang kung may kakambal din si Arjo tulad ni Ador na pagkatapos mamatay ay biglang may lilitaw na kamukha.