Magpinsan na 'pusher' sabay ibinulagta

May 06, 2017

Kapwa tumimbuwang ang magpinsan na umano’y tulak ng ilegal na droga nang manlaban sa buy-bust operation sa Caloocan City, nitong Biyernes ng tanghali.

Kinilala ni Police Sr. Supt. Chito Bersaluna, hepe ng Caloocan Police, ang mga suspek na sina Joel Calumbas, 35, at Jerwin Plero, 32, kapwa ng Maligaya Street, Barangay 176, Bagong Silang ng nasabing lungsod.

Kapwa sila nagtamo ng mga tama ng bala ng baril sa iba’t ibang bahagi ng katawan.

Ayon kay Col. Bersaluna, bandang 11:00 ng tanghali, ikinasa ng mga tauhan ng Station Drug Enforcement Team (SDET) ang buy-bust operation sa lugar ng mga suspek.

Isa sa mga tauhan ng SDET ang tumayong poseur-buyer ngunit nakahalata umano ang magpinsan na pulis ang kanilang kaharap kaya tumakbo ang dalawa habang binabaril ang mga humahabol na pulis.

Hindi na nagpatumpik-tumpik ang awtoridad at pinagbabaril ang mga suspek na naging sanhi ng kanilang pagkamatay.

Narekober sa pinangyarihan ang dalawang cal. 38 at ilang gramo ng hinihinalang shabu. (Orly L. Barcala)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...