Matapos sabihing 'di siya tatakbo sa 2028: De Lima, umaasang magbabago isip ni Mayor Leni-Balita

Matapos sabihing 'di siya tatakbo sa 2028: De Lima, umaasang magbabago isip ni Mayor Leni

By Vincent Gutierrez

April 22, 2026

Nagbabaka-sakali si Mamamayang Liberal (ML) Party-list Rep. Atty. Leila de Lima na magbabago pa ang desisyon ni dating Vice President at ngayo’y Naga City Mayor Leni Robredo sa kaniyang plano para sa taong 2028.

Ito ay matapos kumpirmahin ni Mayor Leni na siya raw ay hindi na tatakbo para sa national post sa darating na national elections sa 2028.

“Sigurado na ako sa sarili ko na hindi ako magna-national,” saad ni Mayor Leni sa isang panayam sa isang local radio station noong Martes, Abril 21.

MAKI-BALITA: Final na! Leni Robredo, ‘di tatakbo sa national position sa 2028

Ngunit ayon kay De Lima, nauunawaan niya ang desisyon ng alkalde.

“We fully understand what VP/Mayor Leni wants to accomplish for Naga and our fellow Bicolanos,” saad ni De Lima sa kaniyang Facebook post noong Martes, Abril 21.

Aniya, “Pero tulad ng marami sa atin, including myself, umaasa talaga tayo na magbabago pa sya ng isip because for us, she’s still the most winnable among the possible opposition candidates.”

Anang kongresista, buo ang kanilang tiwalang handa si Robredo na tumulong kung siya ay kakailanganin ng bansa.

“In the end, we leave it to VP/Mayor Leni. We trust her wisdom. Buo ang tiwala natin na nandyan lang sya palagi, handang tumugon sa tawag ng tungkulin para sa Naga at sa buong bansa,” anang kongresista.

Sa hiwalay na pahayag, sinabi naman ni Sen. Kiko Pangilinan na nirerespeto niya ang desisyon ni Robredo; ngunit iginiit niyang ito pa rin ang pinakamalakas na pambato sa 2028 presidential elections.

“We respect her decision even as we disagree with it. Today, given her rising poll numbers, I believe that Leni is in the best position to build the broadest and strongest unity not just amongst the ranks of the Liberal Party and our allies but to include all other groups and personalities outside our allied forces who are also looking to participating in the 2028 Presidential elections," ani Sen. Kiko sa kaniyang Facebook post noong Martes, Abril 21.

MAKI-BALITA: Sen. Kiko, nirerespeto desisyon ni Mayor Leni pero pinakamalakas na pambato pa rin sa 2028!

Sey ng NBI: 'Fugitive Senator Dela Rosa will be arrested whether he likes it or not'

Inihayag ng National Bureau of Investigation (NBI) na aarestuhin nila si Senador Ronald 'Bato' Dela Rosa, kasunod ng go signal mula sa Department of Justice (DOJ) tungkol sa arrest warrant ng International Criminal Court (ICC) laban sa senador, Huwebes, Mayo 21. Matatandaang kinumpirma ni DOJ Spokesperson Atty. Polo Martinez na may hiling na ang ahensya para sa Red Notice sa Interpol...

'Sino ba 'to?' Sen. Robin, may makahulugang post tungkol sa 'Tarat'

Isang makahulugang post ang ibinahagi ni Senador Robin Padilla na tungkol sa isang ibon na 'Tarat.' 'May Isang Tarat na dati ay nahawla, Ayaw na pakawalan ng umangkin sa kanya pero dahil may mga nakiusap para mapalaya ang tarat na ito,muli siyang nakabalik sa kanyang pugad,' saad ni Padilla sa kaniyang Facebook post nitong Huwebes, Mayo 21. 'Kakaiba ang tarat na ito...

'We will comply!' SILG Remulla, kikilos na sa pag-aresto kay Sen. Bato

Iginiit ni Department of the Interior and Local Government (DILG) Sec. Jonvic Remulla na handang sumunod ang kanilang ahensya sa pagpapatupad ng warrant of arrest na inilabas ng International Criminal Court (ICC) laban kay Sen. Ronald “Bato” dela Rosa. “The DILG will adhere to its mandate. If the lawful authorities have given validity to the warrant then we will comply and enforce,” ayon...