WESLEY CHAPEL, Fla. (AP) — Ginapi ng tambalan nina CoCo Vandeweghe at Bethanie Mattek-Sands sina Kristyna Pliskova at Katerina Siniakova, 6-2, 6-3, nitong Linggo (Lunes sa Manila) para magapi ang three-time defending champion Czech Republic sa Fed Cup semifinals.
Tinapos ng Americans ang duwelo sa makapigil-hiningang 3-2 bentahe para makausad sa finals sa unang pagkakataon sa nakalipas na pitong taon. Makakaharap nila ang Belarus, nagwagi sa Switzerland, sa championship sa Nov. 11- 12.
Nakamit ni Vandeweghe ang ikalawang singles match para ibigay sa US ang 2-1 bentahe sa best-of-five series.Naitabla ng Czech ang serye nang gapiin ni Marketa Vondrousova si Lauren Davis 6-2, 7-5 sa Saddlebrook Resort.
ALAMIN: Mga dapat malaman at gawin upang maging ligtas sa ‘tsunami’
Umabot sa isang oras at 21 minuto ang doubles match na pinagwagihan nina Vandeweghe at Mattek-Sands.
