Malaking tulong sa mga naghahanap ng trabaho na alamin ang nangungunang bakanteng trabaho na inilabas ng PhilJobNet, ang internet-based job at applicant matching system ng Department of Labor and Employment (DoLE), ngayong linggo.
Base sa weekly update ng PhilJobNet na pinamamahalaan ng DoLE – Bureau of Local Employment (BLE) ang nangungunang bakanteng trabaho ay ang sumusunod: Call Center Agent - 1,698, Staff Nurse – 899, Beauty Consultant – 610, Salesman – 402, Customer Service Assistant – 342, Food Server – 339, Market Salesperson – 330, Bank Teller – 300, at Real Estate Salesperson – 300.
Ang iba pang trabaho na maaaring pasukin ay ang Promo Salesperson – 270, Sales Clerk – 265, Delivery Driver – 265, Bagger – 230, Product Machine Operator – 214, Stall Salesperon – 200, Merchandiser – 195, Finishing Carpenter – 189, at Service Crew – 187.
Ang PhilJobNet ay isa sa mga pasilidad ng Labor department na naglalayon na malaman ang trabahong maaaring pasukan at mga kumpanyang nangangailangan ng empleyado.
ALAMIN: Saan puwedeng humingi ng tulong ang OFWs sa Iran, Israel?
Para sa karagdagang impormasyon sa mga bakanteng trabaho, maaaring mag-log on sa http://philjobnet.gov.ph/ o bumisita sa Bureau of Local Employment sa 6th Floor, BF Condominium cor. Solana & Soriano St., Intramuros Manila.
Maaari ring tumawag sa PhilJobNet Hotline sa (632) 527-2543 Fax: (632) 527-2421. (Leslie Ann G. Aquino)
