IBINALITA na ng ABS-CBN ang pagbabalik-telebisyon ni Judy Ann Santos sa bagong season ng Bet On Your Baby.
Sa interview ni Mario Dumaual ng ABS-CBN, excited si Judy Ann to be working again, lalo na’t ang gagawin niyang show ay malapit sa kanyang puso.
“Excited na ako ma-roll up kasi sa ganitong show lang naman ako p’wede i-glam. Napahinga ako for more than a year so I’m so happy. I’m sure matutuwa ang mga tao, lalo na ang mga bata ‘pag nakita nila ito,” sabi ni Juday.
'Iconic women!' Pinakamalaki at pinakamaliit na babae sa buong mundo, nagkita!
Pang-third season na ng Bet On Your Baby ang iho-host ni Judy Ann at baon niya ang tips na ibinigay ng asawang si Ryan Agoncillo na magaling sa hosting. Napansin daw kasi ni Ryan na pag-uwi ng bahay ni Judy Ann, paos siya at wala nang energy. Kaya pinayuhan siya na i-preserve ang boses at mag-enjoy lang na kanyang gagawin.
Malapit na ring magkaroon ng bagong show si Ryan sa GMA-7, tila game show ang ibibigay sa kanya. Umaasa ang kampo nina Judy Ann at Ryan na hindi pagtatapatin ng dalawang network ang airing ng show ng mag-asawa. (Nitz Miralles)
