Patay ang isang rider habang sugatan naman ang kanyang kapatid nang mag-counterflow at mahagip ng truck sa Road 10 sa Tondo, Maynila, kamakalawa ng gabi.
Dead on the spot si Roel Gabotero, 36, habang sugatan naman ang kanyang kapatid na si Ronaldo Gabotera, 32, kapwa ng Smokey Mountain, Tondo, Maynila.
Samantala, inaalam na ng awtoridad ang pagkakakilanlan ng driver ng truck, hindi naplakahan, na mabilis na tumakas matapos ang aksidente.
Sa ulat ni SPO2 Mario Lising, ng Manila District Traffic Enforcement Unit (MDTEU), dakong 8:30 ng gabi nangyari ang aksidente sa Road 10, malapit sa kanto ng Jacinto Street sa Tondo.
Padilla, Zubiri, pinaiimbestigahan status ng implementasyon ng amnesty proclamations ni PBBM
Una rito, pauwi na ang magkapatid sakay sa kanilang motorsiklo (for registration) nang maisipang mag-counterflow sa northbound lane ng Road 10.
Gayunman, pagsapit sa harap ng Smokey Mountain ay nasagi sila ng trailer truck dahilan upang mawalan ng control si Roel at tuluyang mabangga sa truck.
Tumilapon ang magkapatid mula sa kanilang motorsiklo na naging sanhi ng pagkamatay ni Roel at ikinasugat ni Ronaldo.
(Mary Ann Santiago)
