WINALIS ng National University ang Adamson University, 25-21, 25-12, 25-19, para sa ikapitong sunod na panalo at makasiguro ng playoff para sa isang Final Four berth kahapon sa UAAP Season 79 men’s volleyball tournament sa San Juan Arena.
Umiskor ang beteranong hitter na si Bryan Bagunas ng 18 puntos, habang nag-ambag sina Fauzi Ismail at Francis Saura ng 13 at 11 puntos, ayon sa pagkakasunod para pamunuan ang Bulldogs sa pag-angat sa markang 8-1.
“As of now, maganda na talaga ang iginagalaw namin.Lahat ng skills namin medyo umaangat na, mapa-service at kahit maging sa depensa. Sana magtuloy-tuloy lang,” pahayag ni NU coach Dante Alinsunurin.
Nadomina ng Bulldogs ang net defense kung saan nagtala sila ng 14 block sa pamumuno nina Ismail at Saura.
Goodbye PBA? John Amores, tinanggalan na ng professional license!
Dahil sa kabiguan, bumagsak ang Falcons, pinamunuan ni Michael Sudaria na may walong puntos sa 2-7.
Sa isa pang laro, nakatabla ang University of Santo Tomas sa ika-4 na puwesto taglay ang barahang 4-5, matapos igupo ang University of the East, 25-21,22-25,25-22,25-18.
Namuno para sa Tigers si Manuel Medina na nagtala ng 13 puntos.
Bumaba naman ang Red Warriors sa kanilang ikawalong kabiguan sa siyam na laro. (Marivic Awitan)
