SA GMA-7 mapapanood ang two-hour special na ginagawa ni Kris Aquino.
May working title na #TripNiKris, nagsimula na ang taping nito kahapon sa Nueva Ecjia.
Madaling araw pa lang ay nasa location na sila, at nag-post si Kris sa kanyang social media accounts ng, “I’m excited to roll -- we arrived 1:30 AM -- nahirapan matulog kasi kinakabahan. From my heart, moving forward without @luiandrada, @jasminip, and @darlasauler especially for a travel themed special. Feels so strange, BUT “Life begins again at the end of your comfort zone. #TripNiKris ❤.”
BALITAnaw: Ang dalawang babaeng naging pangulo ng Pilipinas
Earlier, ito ang kanyang post: “I’m nervous for this new project, new journey, new team to work with, new places to explore -- but I’m prepared because my new steps are being taken wearing beautiful shoes. #FeelingCinderella VIDEO by @VIR.ph. Leaving now... #TripNiKris#BestOfThePhilippines ❤.”
Ipapalabas ang travel themed special ni Kris sa Marso 26, Linggo, pagkatapos ng Kapuso Mo, Jessica Soho.
Nangangahulugan ito na hindi sa ABS-CBN babalik ang Queen of All Media kundi sa GMA Network.
Full circle ito para sa television career ni Kris. Matatandaan na sa See True ni Inday Badiday sa Channel 7 siya unang nasilayan ng televiewers na nagtala noon ng napakataas na ratings. Noon nagsimula ang kanyang multi-million o multi-billion career sa entertainment industry.
Sa tuluy-tuloy na ratings war ng ABS-CBN at GMA-7, imposible na hindi maging game changer ang tuluyan nang pagbabalik ni Kris sa network na aniya’y “where I belong”.
Hindi pa namin naitanong kay Kris kung ano ang susunod sa two-hour special na eere. Hindi na namin siya maistorbo kahapon dahil busy na siya sa taping. (DINDO M. BALARES)
