Diaz, atletang Pinoy pinarangalan sa PSA Awards Night.
IGINAWAD ang parangal bilang pagkilala sa natatanging gawa at tagumpay sa atletang Pinoy na nagpamalas ng kahusayan at katatagan para maipakita sa mundo ang tunay na galing ng lahing kayumanggi.
Sa pangunguna ni Rio Olympics silver medalist Hidilyn Diaz ng weightlifting – tinanghal na ‘Athlete of the Year’ – sentro ng atensiyon ang mga atleta sa Gabi ng Parangal ng Philippine Sportswriters Association (PSA) Lunes ng gabi sa Le Pavillon sa Pasay City.
ALAMIN: Mga inisyatibo ng NCCA sa pagpapakilala ng kultura ng mga katutubo
Iniabot ang tropeo na nagsisimbolo ng pagkilala mula sa pinakamatandang media organization sa bansa ni PSA president at Manila Standard sports editor Riera Mallari.
Panauhin sa okasyon sina Philippine Sports Commission (PSC) Chairman William ‘Butch’ Ramirez, gayundin ang mga commissioner na sina Ramon Fernandez, Arnold Agustin, Charles Maxey at Celia Kiram at Philippine Olympic Committee (POC) president Jose ‘Peping’ Cojuangco.
Ang TV personality na sina Patricia Bermudez-Hizon, Carla Lizardo, Steph Ongkiko at sports columnist na si Quinito Henson ang nagsilbing host sa pagdiriwang.
Ilan din sa mga major awardee sina Grandmaster Eugene Torre (Lifetime Achievement Award ) Milo Rivera (President’s Award) , Philip Ella ‘Popoy’ Juico (Executive of the Year )at Philippine Athletics Track and Field Association (National Sports Association of the Year).
Binigyan din ng pagkilala ang mga namayapang sports legend sa nakalipas na taon tulad nina basketball great Carlos ‘Caloy’ Loyzaga, basketball coach guru Virgilio ‘The Maestro’ Dalupan at basebell icon Filomeno ‘Boy’ Codinera, Mariano “Tom” Ong, Cecil Hechanova, Ronnie Nathanielsz, Herminigildo “Hermie” Rivera, Jonas Mariano, Gilbert Bulawan, Emy Arcilla, Benjie Castro, at Rogie Maglinas
Narito ang kabuuang listahan ng lahat ng mga ginawaran ng parangal: Athlete of the Year (Hidilyn Diaz); Lifetime Achievement Award (Eugene Torre); President’s Award (Milo Rivera); Executive of the Year (Philip Ella Juico); NSA of the Year (Philippine Athletics Track and Field Association); Mr. Basketball (June Mar Fajardo); Mr. Football (Misagh Bahadoran); Mr. Golf (Miguel Tabuena); Mr. Taekwondo (Jeordan Dominguez); Ms. Volleyball (Mika Reyes);
Josephine Medina (paralympics), Janelle Mae Frayna (chess), Eric Shauwn Cray (athletics), Marestella Torres-Sunang (athletics), Mary Joy Tabal (marathon), Ian Lariba (table tennis), Kirstie Elaine Alora (taekwondo), Nestor Colonia (weightlifting), Philippine Poomsae Team (Jean Pierre Sabido, Ernesto Guzman Jr., Jeordan Dominguez, Glenn Lava), San Miguel Beer (pro basketball), Jeron Alvin Teng (amateur basketball), Johnriel Casimero (boxing), Yuka Saso (golf), Eduard Folayang (mixed martial arts), Marvin Mangulabnan (superbike), Mark Alvarez (Jockey of the Year), Low Profile (Horse of the Year);
Citations - Ernest John Obiena (athletics), Chezka Centeno (billiards), Rogen Ladon (boxing), Charly Suarez (boxing), Marlon Tapales (boxing), Gretchen Abaniel (boxing), Jerwin Ancajas (boxing), Criztian Pitt Laurente (boxing), Ariana Thea Patrice Dormitorio (cycling), Sofia Chabon (golf), Bernice Olivarez-Ilas (golf), Annie Ramirez (jiu-jitsu), Margarita Ochoa (jiu-jitsu), Joseph Myers (jiu-jitsu), Orencio James delos Santos (karate), Jacob Ang (karting), Brandon Michael Vera (mixed martial arts), Kenneth San Andres (motocross), Pauline Louise Lopez (taekwondo), Juvenile Faye Crisostomo (taekwondo), Patrick John Tierro (tennis), Monica Torres (triathlon), August Benedicto (triathlon), Divine Wally (wushu), Arnel Mandal (wushu), Ramon “Tats” Suzara (volleyball), Johnny Tan (motorsports), National University Lady Bulldogs (women’s basketball), National University Pep Squad (cheerdance), Pocari Sweat (volleyball), RC Cola-Army (volleyball), Philippine Dragon Boat Team, Philippine Fencing Team, Philippine Sailing Team, Philippine Sepak Takraw Team, Phillippine Canoe Kayak Federation, United Football League (UFL), Women’s Volleyball League (WVL), Pru Life (football), TV 5, UNTV; Milo Junior Male Athlete of the Year (Adam Bondoc, karatedo); Milo Junior Female Athlete of the Year (Kyla Soguilon, swimming); Tony Siddayao Award (Ancilla Mari Manzano, gymnastics), Khazart William ‘Khaz’ Romoff (karting), Joan Masangkay (powerlifting), Arielle Pascual (skating), Maurice Sacho Ilustre (swimming), Jerard Dominic Jacinto (swimming), Marc Bryan Dula (swimming), Micaela Jasmine Mojdeh (swimming), Tara Borlain (triathlon), Samantha Borlain (triathlon) (Marivic Awitan)
