TULOY ANG EVAP KAHIT IBINASURA NG DOE ANG E-TRIKE PROGRAM

January 10, 2017

MULING susuriin ng Electric Vehicle Association of the Philippines (EVAP) ang kanilang estratehiya makaraang ipahayag ng Department of Energy (DoE) na hindi na nito itutuloy ang $500 million E-trike Program, na popondohan ng Asian Development Bank (ADB).

Sa taunang General Management Meeting (GMM), sinuri ng EVAP ang epekto ng desisyon ng DoE sa kabuuang domestic electric vehicle industry, at umaapela sa ahensiya ng gobyerno na ipagpatuloy ang programa. Sa event, ipinahayag ni EVAP President Rommel Juan ang bagong roadmap para sa Philippine EV industry, na ginawa sa pakikipagtulungan sa Manila Electric Company (Meralco).

“It has come to our attention that the Electric Tricycle Program of the Department of Energy will be discontinued. If so, we the officers and members of EVAP would like to state our position on this matter, which is that the E-trike Program be continued for other electric-vehicle projects as a Green Financing Program that could be administered by other government agencies,” ani Juan sa event. “Our EVAP Executive Director Bong Cruz outlined the short, medium and long-term action plans of the new roadmap covering the next ten years which will be formally submitted to the BOI,” dagdag pa niya, ayon sa ulat ng Yahoo.

Inaamin ni Juan na ang desisyon ng DoE ay malaking dagok sa plano ng EVAP na mapasulong ang lumalaking local EV industry, ngunit naniniwala siya na malalampasan ito ng kanilang grupo, at hindi nito mapipigilan ang kanilang plano na makabuo ng 10-taon roadmap.

Noong nakaraang huling bahagi ng Nobyembre, nagdesisyon ang DoE na tapusin ang loan component ng E-trike Program, na makapipigil sa 100,000 interesadong bumili ng E-trike para pondohan ang kanilang pagbili nito.

Gayunman, natapos ang bidding para sa unang 3,000 unit at prinodyus ng winning supplier kaya inihayag ni Energy Secretary Alfonso G. Cusi na magpapatuloy ang ahensiya sa unang paglalabas nito. Ang dahil sa pagpapatigil ng proyekto, ayon kay Cusi, ay ang kabiguan ng proyekto na makakuha ng sapat na mga interesado rito, na sanhi na rin marahil ng mataas na presyo.

“We implore the government to please help us sustain the momentum of the initial success of EVs in the country and help make the Philippines the EV hub of Asia. With government support, we can do it. Just please continue the DoE E-trike Program with a revised Terms of Reference,” saad ni Juan, at idinagdag na maaaring ipagpatuloy ng Department of Transportation at Department of Interior and Local Government ang iniwan ng DoE at kunin ang E-trike Program gamit ang mga financial institution ng gobyerno na maaaring magpautang.

Northern Samar, niyanig ng magnitude 4.3 na lindol

Niyanig ng magnitude 4.3 na lindol ang probinsya ng Northern Samar nitong Huwebes ng hapon, Oktubre 10, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 5:53 ng hapon.Namataan ang epicenter nito 117 kilometro ang layo sa hilagang-silangan ng Mapanas, Northern Samar, na may lalim na 9 kilometro.Wala...

Klase, pasok sa gobyerno sa Maynila at Pasay, suspendido sa Oct. 14 at 15

Sinuspinde ng Malacañang ang trabaho sa gobyerno at mga klase sa lahat ng antas sa Maynila at Pasay sa darating na Oktubre 14 at 15.Ito ay dahil sa gaganaping Asia-Pacific Ministerial Conference on Disaster Risk Reduction (APMCDRR) sa Philippine International Convention Center (PICC) sa Maynila mula Oktubre 14 hanggang Oktubre 18.'In the view of the numerous participants expected to travel...

De Lima, suportado si ex-COA commissioner Mendoza bilang senador

Nagpahayag ng suporta si dating senador at Mamamayang Liberal Party-list nominee Leila de Lima para sa tinawag niyang “anti-corruption champion” na si dating Commission on Audit (COA) commissioner Heidi Mendoza na naghain ng kandidatura sa pagkasenador para sa 2025 midterm elections.Noong Martes, Oktubre 8, nang isumite ni Mendoza ang kaniyang certificate of candidacy (COC) para sa...