JAEN, Nueva Ecija - Nakabalot ng packaging tape, tadtad ng saksak sa katawan at may tama ng Bala ang bangkay ng isang lalaki na hinihinalang biktima ng summary execution at natagpuan sa Purok 1, Barangay San Jose sa bayang ito, Miyerkules ng madaling-araw.
Ayon sa Jaen Police, walang pagkakakilanlan ang biktima, na may taas na 5’4”, nasa edad 35-37, may tattoo ng Scorpio sa itaas na bahagi ng braso at nakasuot ng camouflage cargo shorts at itim na T-shirt.
May nakasabit ditong karatula na nasusulatan ng: “Adik ako, ‘wag tularan, Merry Xmas”, at nakarekober din dito ng mga nilukot na aluminum foil strip at tatlong plastic sachet ng shabu.
Inilagak ang bangkay sa Santy Funeral Parlor sa Bgy. San Jose sa Jaen. (Light A. Nolasco)
Probinsya
